Oqaluttuarisaanikkut nunat tamalaat akornanni Kalaallit Nunaata skakkimi pissartanngorniunnera siullerpaamik sammineqarpoq
Pissartanngorniunneq nittartakkakkut ulluni 24.-26.april 2026-imi arfineq marlunnik unammisartut Kalaallit Nunaanni tamaneersut peqataaffigisaannik ingerlanneqarpoq. Online-mik formatimik atuinerup periarfissippaa sungiusaasunik nunap immikkoortuini ungasissuni ataatsimoortitsisinnaaneq aammalu Kalaallit Nunaanni pissartanngorniunneq pisortatigoortumik siullerpaamik ingerlanneqarsinnaasoq.
Egon Mattaaq Kalaallit Nunaanni siullerpaamik skakkimik pisortatigoortumik pissartanngorniunneq qulakkeerpaa, pointit 7-it pisinnaasut akornanni 6 pointinik pissarsilluni. Unammineq siulvinngorpoq Hans Christian Dahl, Carl Fleischer bronzennalluni.
FIDE-p aamma World Chess-ip allaaserisaminni erseqqissarpaat pissartanngorniunnerup oqaluttuarisaanikkut pingaaruteqarnera, Kalaallit Nunaata FIDE-mut ilanngunneqarnera aammalu Kalaallit Nunaanni skakkernerup ineriartortinnissaanut suliniuteqarluarsimanera. World Chess-imi aamma oqaluttuarineqarpoq Egon Mattaaq, ukiut aqqanillit aatsaat skakkersimasoq Upernavimmilu aalisakkanik pakkersimaartartutut sulisoq.
Tulluusimaarutigaarput Kalaallit Nunaata skakkernermik inuunera nunat tamalaat akornanni maluginiarneqalermat, neriuutigaarpullu tamanut saqqummiussineq nuna tamakkerlugu suli amerlanerusunik skakkernissamut kajumissisitsisinnaassasoq.
Allaaserisat aallaqqaasiutaat atuarlugit
FIDE: Egon Mattaaq wins historic first Greenlandic Chess Championship
https://www.fide.com/egon-mattaaq-wins-historic-first-greenlandic-chess-championship/
World Chess: Fish Packer From The Frozen North Becomes Greenland's First Chess Champion
https://worldchess.com/news/greenland-gets-its-first-chess-champion
FIDE-mut aamma World Chess-imut qujavugut kalaallit skakkiata tusaamasaassutigineqarneranut qilanaarlutalu kalaallit nunaanni skakkimik ineriartortitsinerup ingerlateqqinnissaanut qilanaarluta.